ISShCh RW-13 Holtabergs Amíra Fjóla, C.I.E. SLO CH ISShCh ISVetCh RW-14-16 Vadászfai Oportó og C.I.E. ISShCh Jarðar Fífa

ISShCh RW-13 Holtabergs Amíra Fjóla, C.I.E. SLO CH ISShCh ISVetCh RW-14-16  Vadászfai Oportó og C.I.E. ISShCh Jarðar Fífa

Oportó með 1. einkunn á sækiprófi FHD

20. ágúst 2017
C.I.E. SLO CH ISShCh ISVet Ch RW-14-16 Vadászfai Oportó gerði sér lítið fyrir og hlaut 1. einkunn í opnum flokki í sækiprófi Fuglahundadeildar HRFÍ þann 12. ágúst s.l. Hann hlaut 9 fyrir leita og sækja, 8 fyrir vatnavinnu og 10 fyrir spor. Frábær árangur hjá þessum yndislega hundi sem er að gefa bæði falleg og hæfileikarík afkvæmi, en þess má geta að þau afkvæmi hans sem mætt hafa í veiðipróf hafa öll hlotið einkunnir.
Dómari var Patrik Sjöström frá Svíþjóð

Afkvæmi Oportós sem hlotið hafa einkunnir:
ISShCh RW-13 Holtabergs Amíra Fjóla, 1. einkunn í unghundaflokki í sækiprófi FHD
Holtabergs Atlas, 2. einkunn í unghundaflokki í sækiprófi Vorstehdeildar
C.I.E. ISShCh RW15-17, NLM Loki (Hugo) 3. einkunn í opnum flokki í  veiðiprófi fyrir standandi fuglahunda
C.I.E. ISShCh RW13-17 Embla 1. og 2. einkunn í opnum flokki, á tvöföldu sækiprófi FHD og Vorstehdeildar

 

Ummæli dómara í Sámi

20. ágúst 2017
Eftir hverja sýningu Hundaræktarfélags Íslands eru tekin viðtöl við dómara sem birtast í Sámi, blaði Hundaræktarfélags Íslands. Það er einstaklega gleðilegt þegar að dómarar nefna sérstaklega og hrósa tegundinni okkar. Sámur kom út í  júní s.l. og þar var að finna  ummæli dómara um ungversku vizsluna frá Alþjóðlegu sýningunni í nóvember 2016 og Alþjóðlegu Norðurljósasýningunni í mars 2017

George Schogol frá Georgíu
"Ræktendur ungverskrar vizslu á Íslandi mættu vera stoltir því þeir væru greinilega á réttri leið í ræktun, tegundin hafi verið samleit og af réttri tegundagerð"

Attila Czeglédi frá Ungverjalandi
  Hrifinn af vizslunni
"Attila Czeglédi vildi byrja á því að hrósa þjóðarhundinum sínum, ungverskri vizslu. Hann hefði séð tvo hunda, ungan rakka og öldungsrakka og komu gæðin honum virkilega vel á óvart. Ungi rakkinn vann tegundahóp 7 og öldungurinn varð annar besti öldungur sýningar, báðir virkilega tegundatýpískir af réttri týpu upprunalandsins, höfðu
góðar hreyfingar með falleg höfuð. Hann sagði virkilega mikilvægt að byrja ræktun
tegundar vel þegar ný tegund væri flutt til landsins því ef eitthvað vantaði upp á í
upphafi gæti reynst erfitt að rækta það til betri vegar síðar."

Astor óskar eftir heimili

Holtabergs Astor er að leita að góðu heimili til frambúðar. Hann er 6 ára undan Fífu og Oportó. Sem hvolpur var Astor villingurinn í gotinu, klár og útsjónasamur.  Astor þarf eigendur sem eru ekki með ung börn, eru tilbúnir að vinna með hann, gefa honum gott atlæti, aga og góða daglega hreyfingu. Reynsla af hundahaldi er skilyrði.  Áhugasamir geta sent póst á hildur@vizsla.is

Embla með 1. einkunn á sækiprófi FHD

14. júlí 2017
Sækipróf Fuglahundadeildar HRFÍ var haldið dagana 8. - 9. júlí. Að þessu sinni tók ungverska vizslan Embla þátt báða dagana og hlaut 2. einkunn fyrri daginn og  
1. einkunn seinni daginn. Embla er fyrsta vizslan hér á landi til að hljóta einkunn í Opnum flokki á sækiprófi. Frábær árangur hjá Emblu sem er undan Oportó okkar og Jarðar Heru. Eigandi Emblu er Edda Sigurðardóttir og óskum við henni innilega til hamingju með þennan frábæra árangur.

Dómari: Dag Teien frá Noregi

Vizsluganga

1. júlí 2017
Margir muna eflaust eftir vizslugöngunum sem voru í byrjun hvers mánaðar hérna fyrir nokkrum árum. Nú er búið að endurvekja göngurnar að frumkvæði Axels Jóns Birgissonar sem ætlar að halda utan um þær. Fyrsta gangan fór fram laugardaginn 1. júlí í Reykjavík og mættu þá 5 vizslur ásamt eigendum sínum. Næstu göngur verða auglýstar á facebooksíðunni Ungversk vizsla á Íslandi. 

Myndir frá göngunni er að finna í myndabanka

Sumarsýning HRFÍ

24 - 25. júní 2017
Tvöföld útisýning Hundaræktarfélags Íslands var haldin í Víðidal helgina 24. - 25. júní. Reykjavík Winner fyrri daginn og Alþjóðleg sýning seinni daginn. Þessar sýningar verður lengi í minnum haft vegna frábærs árangurs. Oportó, Fjóla, Hugo og Embla voru mættar til leiks en þessar 4 vizslur hafa haldið uppi heiðri vizslunnar á sýningum undanfarin ár. Hugo varð Besti hundur tegundar báða dagana og Embla Annar besti hundur tegundar. Í úrslitum í tegundahópi 7 hlaut Hugo 2. og 1. sæti. Oportó var sýndur með afkvæmum sínum og fékk afkvæmahópurinn 1. sæti báða dagana. Í úrslitum um Besta öldung sýningar hlaut Oportó 4. sæti báða dagana. Alveg afbragðs góður árangur og enn og aftur viðurkenning á því hvað gæðin í þessum fjórum vizslum eru mikil : )
Eigendum Emblu og Hugos, þeim Eddu Sigurðardóttur og Ragnari Má og Ellu, óskum við innilega til hamingju með árangurinn.
Nánari úrslit eru hér fyrir neðan og myndir í myndabanka undir Reykjavík winner 2017
og Alþjóðleg sýning 2017

Úrslit Reykjavík Winner 24. júní 2017

Öldungaflokkur rakkar
C.I.E. SLO CH ISShCh ISVetCh RW-14 RW-16 Vadászfai Oportó, Excellent, Meistaraefni, Besti rakki II, Veteran CC, 4. sæti í Besti öldungur sýningar Meistaraflokkur rakkar
C.I.E. ISShCh RW-15 NLW-15 Loki (Hugo), Excellent, Meistaraefni, BOB, RW-17, BIG-2
Meistaraflokkur tíkur
C.I.E. ISShCh RW-16 NLW-15 Embla, Excellent, Meistaraefni, Besta tík I, BOS, RW-17
ISShCh RW-13 Holtabergs Amíra Fjóla, Excellent, Meistaraefni, Besta tík II
Afkvæmahópur Oportó og Fjóla, Hugo, Embla, Heiðursverðlaun, 1. sæti í Besti afkvæmahópur sýningar.

Dómari: Stephanie Walsh frá Írlandi
Dómarar í úrslitum:
Tegundahópur 7: Stephanie Walsh frá Írlandi
Besti afkvæmahópur sýningar: Andrzej Szutkiewicz frá Póllandi
Besti öldungur sýningar: Hanne Laine Jensen frá Danmörku

Úrslit Alþjóðlegrar sýningar 25. júní 2017

Öldungaflokkur rakkar
C.I.E. SLO CH ISShCh ISVetCh RW-14 RW-16 Vadászfai Oportó, Excellent, Meistaraefni, Besti rakki II, Veteran CC, 4. sæti í Besti öldungur sýningar Meistaraflokkur rakkar
C.I.E. ISShCh RW-15 NLW-15 Loki (Hugo), Excellent, Meistaraefni, BOB, CACIB, RW-17, BIG-1
Meistaraflokkur tíkur C.I.E. ISShCh RW-16 NLW-15 Embla, Excellent, Meistaraefni, Besta tík I, CACIB, BOS
ISShCh RW-13 Holtabergs Amíra Fjóla, Excellent, Meistaraefni, Besta tík II, V-CACIB
Afkvæmahópur Oportó og Fjóla Hugo, Embla, Heiðursverðlaun, 1. sæti í Besti afkvæmahópur sýningar.

Dómari: Andrzej Szutkiewicz frá Póllandi
Dómarar í úrslitum:
Tegundahópur 7: Andrzej Szutkiewicz frá Póllandi
Besti afkvæmahópur sýningar: Stephanie Walsh frá Írlandi
Besti öldungur sýningar: Philip John frá Indlandi

Hugo með 3. einkunn

1. júní 2017
Hugo náði þeim frábæra árangri að landa 3. einkunn á Kaldaprófinu svokallaða sem haldið var norðan heiða dagana 5. - 7. maí og er það í fyrsta skipti sem vizsla nær einkunn í heiðarprófi fyrir standandi fuglahunda hér á landi. Dómari var Guðjón Arinbjarnarson.  Við óskum eigendum Hugos, þeim Ragnari Má og Ellu innilega til hamingju með árangurinn.

Einungis 5 vizslur hafa tekið þátt í standandi fuglahundaprófi hérlendis þar sem dæmt er eftir norskum reglum en það eru Hugo, Jarðar Bassi, Jarðar Fífa, Tara frá Selfossi og Ljóni. Í gagnagrunni Fuglahundadeildar er hægt að skoða sundurliðaðan árangur þessara hunda í veiðiprófum.  http://fuglahundadeild.is/ListHundarLeit.aspx