www.vizsla.is

Sumarið er komið og skemmtilegir tímar framundan með löngum göngum, sækiæfingum, vatnavinnu, sýningum, hjólreiðatúrum og margt fleira. Við skelltum okkur í Vizslugöngu við Kleifarvatn og hittum þar m.a. Holtabergs Apríl Lukku og Atlas. Það voru fagnaðarfundir hjá systkinunum þegar að þau hittust. Oportó var aðeins of mikið að passa stelpurnar og skammaði ungliðana sem voru að gera sér dælt við þær. Eftir gönguna voru teknar nokkrar sundæfingar í Kleifarvatni. Nokkrar myndir frá göngunni ásamt myndum af hundunum okkar er að finna í myndabanka. Gunnlaugur Már Briem sendi okkur frábærar myndir af Holtabergs Atlas og hvet ég alla Holtabergs eigendur að senda okkur myndir.

Smellið á myndina til að stækka

Skemmtileg og viðburðarík sýning að baki. Oportó var sýndur í Meistaraflokki og var valinn Besti hundur tegundar og fékk sitt fimmta Alþjóðlega meistarastig. Í úrslitum í tegundahópi 7 hlaut hann þriðja sæti. Holtabergs Astor, Atlas og Alísa voru sýnd í Ungliðaflokki. Holtabergs Astor fékk einkunnina Excellent og var valinn annar besti rakki tegundar með Íslenskt meistarastig.
Atlas og Alísa fengu einkunnina Very good.

Við tókum líka þátt í ræktunar og afkvæmahópi.
Í ræktunarhópi voru Holtabergs Alísa, Astor og Atlas og fékk hópurinn Heiðursverðlaun og fjórða sæti í úrslitum dagsins.
Í afkvæmahópi var Oportó ásamt Alísu, Astor og Atlas og fékk hópurinn Heiðursverðlaun og þriðja sæti í úrslitum. Glæsilegur árangur á okkar fyrstu ræktunar og afkvæmasýningu. 

Pétur Örn Gunnarsson eigandi Astors og Gunnlaugur Már Briem eigandi Atlas voru að sýna á sinni fyrstu sýningu og stóðu sig frábærlega vel.  Hauki Baldvinssyni eiganda Alísu þökkum við fyrir að treysta okkur fyrir Alísu.  Kristjönu vinkonu minni hjá Ice Tindra ræktun þökkum við kærlega fyrir hjálpina.

C.I.E. SLOCh ISShCh Vadászfai Oport: Exellent, BR I, BOB, M.EFNI, CACIB, TH-3
Holtabergs Astor: Excellent, BR II, M.EFNI, Íslenskt meistarastig
Holtabergs Atlas: Very good
Hotabergs Alísa: Very good
ISShCh Jarðar Bassi: Excellent

Dómari var Marja Talvitie frá Finnlandi.

Holtabergs Vizslur og eigendur hittust í tilefni eins árs afmælis Atlas, Apríl Lukku, Alísu, Astors, Öskju og Amíru Fjólu. Farið var í fínan göngutúr í heiðinni í hressandi rigningu. Síðan var haldið í Bláu reiðhöllina á svæði Hestamannafélagsins Mána þar sem farið var í sýningarþjálfun og kaffi.

Frábær dagur þar sem bæði hundar og eigendur skemmtu sér vel.

Nokkrar myndir frá göngunni í myndabanka.
 

Fyrir ári síðan, þann 18. febrúar 2011 komu 6 gullmolar í heiminn. Þetta voru þau Atlas, Apríl Lukka, Alísa, Astor, Askja og Amíra Fjóla.

Innilega til hamingju með daginn Holtabergs Vizslur og eigendur.

Smellið á myndina til að stækka.

Það er gaman að segja frá því að Oportó hefur hlotið titilinn Alþjóðlegur sýningameistari. Til að verða Alþjóðlegur sýningameistari þarf hundur að hljóta fjögur Alþjóðleg meistarastig (CACIB) á fjórum alþjóðlegum sýningum frá dómurum af a.m.k. þremur þjóðernum frá FCI aðildarlöndum. Að minnsta kosti eitt ár verður að líða frá því að hundur fær sitt fyrsta stig og til þess fjórða.
 

Aðeins fjórar Vizslur á Íslandi hafa hlotið Alþjóðlega meistaratitilinn. Fífa okkar varð sú fyrsta en síðan hafa Tara frá Selfossi og Jarðar Bassi bróðir Fífu einnig orðið Alþjóðlegir sýningameistarar.
 

Fyrstu áramót Amíru Fjólu eru gengin í garð og var hún ekkert að kippa sér upp við sprengjurnar enda hefur verið spilað fyrir hana byssu og sprengjuhvellir frá því að hún var aðeins nokkurra vikna hvolpur. Oportó var alveg sama um lætin en gamlárskvöld er versti dagurinn í lífi Fífu.   Á nýársdag var farið í heiðina og æfð leit og sókn með rjúpu.

Fram undan eru sýninganámskeið, hlýðniæfingar, æfingar í heiðinni og margt fleira skemmtilegt á nýju ári.

Óskum öllum gleðilegs nýs árs.

Að gefnu tilefni birti ég hér sýningardóm Gert Christensen um Oportó frá nóvembersýningu HRFÍ en um þá sýningu er fjallað í nýjasta tölublaði Sáms.

Meistaraflokkur 19. 11. 2011

3 years old. Well balanced dog. Scissar bite. Good muzzle. Nice eyes. Well set ears. Good neck and topline. Well set tail. Excellent body. Well angalated. Good bone. Moves very well. Nice temparament.
 
Excellent, Besti hundur tegundar, Alþjóðlegt meistarastig og 4. sæti í tegundahópi 7

Oportó hefur hlotið titilinn Slóvenískur sýningameistari. Oportó var sýndur í Slóveníu áður en hann kom til Íslands og hlaut þar frábæra dóma og meistarastig. Fyrir skömmu fengum við síðan staðfestingu frá Slóveníska hundaræktarfélaginu um meistaratitilinn ásamt skjali og flottri rósettu sem fer Oportó auðvita mjög vel.

Smellið myndina til að stækka.

Oportó var sýndur í Meistaraflokki og var valinn besti hundur tegundar. Hann fékk sitt fjórða Alþjóðlega meistarastig sem þýðir að við getum sótt um titilinn Alþjóðlegur sýningameistari hjá FCI. Oportó hafnaði síðan í fjórða sæti í tegundahópi 7.

Holtabergs Amíra Fjóla og Holtabergs Alísa voru sýndar í Ungliðaflokki. Báðar systurnar fengu Excellent og frábærar umsagnir. Alísa var síðan valin besta tík og annar besti hundur tegundar. Alísa hlaut Íslenskt meistarastig nýorðin 9 mánaða, frábær árangur hjá Alísu sem var sýnd af miklu öryggi af eiganda sínum Hauki Baldvinsyni.
 
ISShCh Vadászfai Oportó: Exellent, BR I, BOB, M.EFNI, CACIB, TH-4
Holtabergs Alísa: Excellent, BT I, BOS, M.EFNI, Ísl. M.STIG
Holtabergs Amíra Fjóla: Excellent, BT II

Dómari var Gert Christensen frá Danmörku.